السبت، 2 يوليو 2011

بين هنا وهناك


الشيخ المحلاوى فى خطبة يوم الجمعة 1-7-2011 طالب باعتبار ميدان التحرير منطقة خضراء منزوعة السلاح !!!


و باقى مصر ايه ؟؟؟ مناطق متنازع عليها بين المصريين و الفلول ؟؟؟
هى الثورة قامت علشان فى الاخر نقسم مصر بين  مشروعة السلاح و منطقة خضراء فى المنتصف    ؟؟؟
و هو السلاح ليه اصلا ؟؟ الاول كانت وسائل تعذيب و قتل و دلوقتى بعد الثورة اتغيرت لقنابل غاز و خرطوش ؟؟؟
يعنى لما احب ابقى مواطنة مقهورة بلا حقوق انسانية افضل " هنا "  ... ولما ازهق و احب اغير شوية و اقلب على بنى ادم اروح هناك  فى " التحرير " ؟؟؟؟

مش عارفة ليه افتكرت قصة الاستاذ مريد البرغوثى  " ولدت هناك ولدت هنا " .....


و بيتكلم فيها عن ازاى ان الاحتلال  بيفسد المسافات الطبيعية بين الاشياء ...فمثلا بيقول :
(   يقف جندى الاحتلال على بقعة يصادرها من الارض  و يسميها " هنا "...فلا يبقى لي انا صاحبها المنفى فى البلاد البعيدة الا ان اسميها"  هناك  " )


 زمان كانت متقسمة ...الناس اللى هنا على الارض.. و البهوات اللى هناك فوق  ....
بس بعد الثورة بقت كلها مصر التحرير ....و كلها خضراء .....
ودم الشهداء سال على ارضها فى كل مكان  ....

ليست هناك تعليقات:

إرسال تعليق