ماهو تعليقك على التعديل الوزارى الجديد ؟؟؟
انا عن نفسى بمناسبة اننا فى ثورة ..كل سنة و انتم طيبين
حاستعير مقولة الاستاذ جلال عامر و اقول :
المجتمعات لا تتقدم بالموظفين الذين يخرجون فى موعد الاتوبيس ... لكنها تتقدم بالمجانين الذين يخرجون عن السائد ويعملون على تغييره
بقالنا تقريبا 6 شهور ..عملنا ثورة و تعبنا كلام و بنقول اننا عايزين قرارات ثورية من برة الصندوق ....وراحت الحكومة ..وجت الحكومة ...
ربنا يستر بقى لتكون الحكومة الجديدة هى الحكومة اللى ورا الحكومة اللى كانت جوة الصندوق !!!!
****************************
بمناسبة ان اللواء العيسوى مشرفنا و قاعد معانا شوية ...و عملا على تنفيذ طلبه ...ايها الاخوة و الاخوات بيان هام :
اللى يقول قناصة ...يبلغ و يجيب دليل
دى النيابة محتاسة ...والنور قاطع و الدنيا ليل
والحقيقة ضايعة فى الدنيا...ووجود القناصة دا المستحيل
و بكدة ....
يبقى اللى ضرب الرصاصة ...مجهول او جنى او عميل
ليست هناك تعليقات:
إرسال تعليق