طبعا مفيش على الساحة اليومين دول اهم من احداث التحرير اللى ابتدت مساء يوم الثلاثاء 28-6-2011 و
استمرت لحد الاربعاء 29 - 6 -2011 ....
اول شعور سيطر عليا و انا باتفرج على ميدان التحرير و اللى بيحصل فيه يوم الثلاثاء باليل و لحد الاربعاء الساعة 5 صباحا هو انى باشوف نفس السيناريو الاسود و الكئيب ليوم 28 يناير .... اليوم دة من اقسى ايام حياتى ....شفته تانى بنفس الشكل و الوقائع ...مش حتكلم عن الاسباب و لا الوقائع لان اكيد دلوقتى اتقال و اتحكى عن اللى حصل كتير جدا ...و كل الناس عرفت اجزاء من ايه اللى حصل و محدش كالعادة عرف مين ...
حاتكلم عن حاجات تانية خالص ....
كرامة المواطن
حاتكلم عن حاجات تانية خالص ....
كرامة المواطن
لما قامت الثورة ...قامت تطالب بالحرية و الكرامة و العدالة الاجتماعية ...
و مات الشهداء علشان المطالب دى ...اكتر من 800 شهيد ... واكتر من 8000 مصاب غير 1000 مفقود ..كل دول دفعوا ثمن غالى جدا للمطالب دى ...
و بعد الثورة ....مرت 5 شهور ..
الشهداء تم دفن عدد كبير منهم فى مدافن الصدقة وهم مجهولى الهوية ,, و بدون مراسم دفن تليق بشهداء وطن كان مسروق و دمهم حررة ,, و اللى قتلوهم بينعموا بالهدوء و الطمأنينة ..وفى اللى بيحرسهم و يراعيهم ... فى بعض الحالات بينعموا بالحرية كمان ...
المفقودين مازالوا مفقودين ولا جديد ولا اثر ,,
الشهداء لم يتم تكريمهم و لا اقامة نصب تذكارى ليهم فى اى مكان ...و اهاليهم اضطروا للاعتصام للمطالبة بابسط الحقوق ..العدالة ...بس ...مش طالبين اى حاجة تانية ...
اعتصموا 5 ايام ...و قبلهم اولادهم و ملايين المصريين اعتصموا 18 يوم علشان المطالب دى .. ان يكون عندهم الحق فى الحرية و الكرامة و العدالة ...واجهوا الموت بالاحضان علشان اللى جاى يكون احسن ...علشان الباقى يشوف الحرية و الكرامة و العدالة ..
بعد 5 ايام محدش سئل فيهم و بعدين اتحطوا بين المطرقة و السندان و اتضربوا و اتقبض عليهم بلطجة ... ولما لقوا الدنيا هيصة اخدوا حاجاتهم و روحوا ..اللى لحق منهم يروح ..و الباقى اتقبض عليه ..
ومنهم ام شهيد اتضربت فى القسم و الظابط شتمها و سبها و ابنها اتاخد سجن عسكرى ..
ابن شهيد وابن مسجون و هى اتضربت و اتهانت ....
تفتكروا ايه التعليق المناسب على كدة ؟؟؟
حرب التحرير
هو الشعب دا اتكتب علية فى الاول يتضرب و بتعذب و يتكهرب فى زنازين و معتقلات ضيقة و بعد الثورة يتضرب بالسلاح و قنابل الغاز فى ميدان التحرير ؟؟ لا و ايه قنابل تاريخ الشهر اللى فات يعنى حاجات جديدة لزوم الفرفشة ... وقنابل قديمة معتقة ...و مطاطى ...هو فى ايه ؟؟ ايه كل دة ؟؟ كل دى قنابل و رصاص ؟؟ و كل دى قوات امن ؟؟
ماهى الداخلية كويسة يعنى و زى الفل اهو .. امال ايه حدوتة الانهيار و محاولات الافاقة اللى قرفونا بيها دى ؟؟ وكل الذخيرة و الامن دة لمواجهة الفلول ؟؟؟ امال الفلول دى ما بتمتش ليه ... ايه يعنى فلول من النوع الشبحى ؟؟ فلول عفاريتى ...فلول ممسوسة ... ماركتها ايه حد يفهمنى ...
فوق الالف مصاب ليه ... الاول الداخلية كانت بتحارب الشعب علشان النظام ...و الشعب سحلها و داس عليها و ولع فيها ... و خلع النظام ...و الداخلية قالت انا بقيت جديدة و اتغيرت مع مصر اللى بتتغير ...
فوق الالف مصاب ليه ... الاول الداخلية كانت بتحارب الشعب علشان النظام ...و الشعب سحلها و داس عليها و ولع فيها ... و خلع النظام ...و الداخلية قالت انا بقيت جديدة و اتغيرت مع مصر اللى بتتغير ...
دلوقتى بقى الداخلية بتحارب الشعب ليه ؟؟؟ اللى كان فى التحرير حرب ..مش مواجهات و لا اشتباكات دى كانت حرب ...محدش يقول البلطجية ...دول رباية الداخلية و اللى ربى خير من اللى اشترى ...و فى اكتر من شهادة ان البلطجية الاوفياء كانوا فى صف الامن ... لو الداخلية ليها مزاج تلمهم و توقفهم عند حدهم حتعملها ...الداخلية اللى لكل مواطن عندها ملف ...مش عارف تفرق بين البلطجى و الشاب ؟؟ دا من امتى ...ما كل اللعيبة القدام هما هما ...كل امناء الشرطة هما هما ...
ايه اللى اتغير علشان الداخلية ما تعرفش البلطجى من الشعب ؟؟
ولما كل القوات دى موجودة عندنا مش سالفينها من الجيران لزوم العزومة .... الامن مش راضى يرجع ليه ؟؟ ولا اراضى وزارة الداخلية المقدسة حمايتها من فلول الشعب اولى من حماية الشعب نفسة من البلطجية ؟؟
و بعدين كل شوية البلطجية .. البلطجية عملوا ... البلطجية خربوا ... البلطجية اندسوا بين الناس ....
الحقيقة بقى ان البلطجية اشتكوا من كتر ما سيرتهم بقت على كل لسان .. وبيتلزق لهم عمايل بطاله !!!
ووزير الداخلية طالع يقول انهم بينفذوا القانون بحذافيرة ...
امال ما قتلوش كل اللى كانوا هناك ليه ....ليه ها ؟؟ العفو عند المقدرة مثلا ؟؟ مش كانوا خلصوا على كل الفلول و البلطجية و ريحونا ..ايه الكرم دة ...
و بعدين انا دخلت انام الساعة 5 صباحا يوم الاربعاء و كانت اوامر سيادة الوزير بانسحاب الامن فورا من الميدان صدرت من مدة ...صحيت الساعة 11 صباحا لقيتهم لسة بيضربوا !!!
دا فعلا يا اولاد الداخلية فى ثوبها الجديد اكثر اشراقا ...
دا فعلا يا اولاد الداخلية فى ثوبها الجديد اكثر اشراقا ...
على ذمة التحرير
الى جانب قناة الجزيرة مباشر مصر ......
كنت متابعة الحدث من اول تويتة ...متابعة الناس اللى هناك و هما بيكتبوا اللى بيحصل لحظيا ...و صور الميدان كمان ...النشطاء و منهم لؤى نجاتى ..كان بيتويت اللى بيحصل بكل امانة ...انا قارية اخر تويتاته بعينى ...و بيؤكد على ان الشرطة كانت محترمة معاهم و ما ردتش غير لما اشخاص غير معروفين ابتدوا يضربوا بالطوب ...
كنت متابعة الحدث من اول تويتة ...متابعة الناس اللى هناك و هما بيكتبوا اللى بيحصل لحظيا ...و صور الميدان كمان ...النشطاء و منهم لؤى نجاتى ..كان بيتويت اللى بيحصل بكل امانة ...انا قارية اخر تويتاته بعينى ...و بيؤكد على ان الشرطة كانت محترمة معاهم و ما ردتش غير لما اشخاص غير معروفين ابتدوا يضربوا بالطوب ...
و فجأة اختفى و الكل ابتدى يدور عليه ...لغاية ما ظهرت التويتة اللى بتؤكد انه اتقبض علية و اترحل ...
و بعدين ظهر انه اتاخد على السجن العسكرى و محدش يعرف عنه اى تفاصيل تانية ...
و بعدين ظهر انه اتاخد على السجن العسكرى و محدش يعرف عنه اى تفاصيل تانية ...
ازاى لؤى بلطجى و ازاى كان بيعمل تويتس يوصف اللى بيحصل ؟؟ حد يفهمنى ...
دا ناشط على تويتر ...يعنى بيحدف طوب بايد و بيكتب بالتانية ؟؟ وزيه كتير شباب ... اسهل حاجة يتقال انهم بلطجية ...ياريت البلطجية كانوا كدة .. ماكانش دا بقى حالنا معاهم !!!!
اول ما انتشر الخبر نزل شباب كتير جدا .. من خلال تويتر ..كل واحد كان بيوضح هو فين و مع مين و شايف مين ...و شباب تانيين نزلوا الميدان و معاهم دكاترة ... واتعمل مستشفى ميدانى و اتجهز بكل حاجة حتى بعلب العصير ...تويتات فيها ارقام محامين و ارقام للابلاغ عن اى شخص مشتبه فية او بلطجى ....
الشباب دول بلطجية ؟؟ هل اى حد يعتقد ان اى واحد من دول حيعمل قنبلة مولوتوف ؟؟ اى واحد من دول حيشيل سيف و يضرب بيه اى حد ؟؟؟
لو على كدة ...يبقى دول من ابطال البلطجة القومية الاحرار ...
و اكيد يعنى وسط الزحمة دى كلها لازم يدافعوا عن نفسهم ....بس ما يبقوش بلطجية ...
هو ازاى الداخلية قبضت على الشباب فى التحرير و بيتحاكمو عسكرى ؟؟ و يترحلوا للسجون الحربية و محدش يعرف يتصل بيهم ... و السفاحين و القتلة بيتدلعوا فى القضاء المدنى ...و المحاكمات بتتاجل بالاربع شهور ؟؟؟ ازاى خونة الوطن و اللى سرقوة و باعو ارضة بيحرسهم الحرس و يامنهم و كمان باعتين لبرة يقولوا علينا غوغاء ؟؟ وواحد رايح يطالب بحق شهيد يتحاكم عسكرى ؟؟ و يبقى محجوز على ذمة التحرير ؟؟ مش المساس بامن وطن مثلا ولا التخابر ؟؟ التحرير بقى تهمة اشد من كل دول ؟؟
هو ازاى الظباط بيفرج عنهم بضمان عملهم و يرجعوا لشغلهم لحد ما ميعاد القضية ييجى ؟؟ ووزير الداخلية يقول اصلى ما اقدرش اوقفة عن العمل لانه لم تثبت ادانته !!!
و الشباب دول ثبتت ادانتهم ؟؟ زى امين الشرطة اللى واخد اعدام ....
من الداخلية كلها اثبتوا ان امين الشرطة دة هو اللى قتل المتظاهرين ...شفتوا بقى العدالة ...
هو ازاى متظاهر ياخد حكم عسكرى و خونة الوطن و القتله بيتحاكموا قضاء عادى ؟؟
ازاى المواطن فى التحرير بيتضرب بالعنف دة و بالصورة دى و السفاح قاعد فى مكان امن و الكل بيحرسة و بيعمل على راحتة ...ازاى ...اى عدالة دى...
و الجرايد تانى يوم طالعة بصور الناس اللى فى التحرير و بتقول البلطجية اهم ... ومحدش شاف العادلى ولا لمح طرفه ...
هى ازاى العدالة فيها مكيالين ؟؟
هى ازاى الداخلية قبضت على بلطجية متلبسين و محدش شافهم ؟؟ يعنى فى ظروف زى دى ... ووسط شهادات متعددة ان البلطجية كانوا جنبا الى جنب مع الامن ...يعنى من باب الدفاع حتى ..ينشروا صور و اسماء البلطجية اللى هما فعلا بلطجية ويقولوا ادى الناس اللى خربت و روعت الناس ...
هى ازاى العدالة فيها مكيالين ؟؟
هى ازاى الداخلية قبضت على بلطجية متلبسين و محدش شافهم ؟؟ يعنى فى ظروف زى دى ... ووسط شهادات متعددة ان البلطجية كانوا جنبا الى جنب مع الامن ...يعنى من باب الدفاع حتى ..ينشروا صور و اسماء البلطجية اللى هما فعلا بلطجية ويقولوا ادى الناس اللى خربت و روعت الناس ...
و بعدين مش البلطجية اغلبهم مسجلين و ليهم سوابق يعنى معروفين ...ازاى بتقبض على شباب جامعى و تقول انهم بلطجية ؟؟
مش البلطجة دى صناعة الداخلية ... مش عارفين يجيبوا الناس اللى كانت مسؤولة عن الملف دا و يتقفل بقى للابد ؟؟ الناس دى اكيد معروفة بالاسم ...اصلها تخصصات و الظباط عارفين بعضهم و اللى يسأل ما يتوهش .
مش البلطجة دى صناعة الداخلية ... مش عارفين يجيبوا الناس اللى كانت مسؤولة عن الملف دا و يتقفل بقى للابد ؟؟ الناس دى اكيد معروفة بالاسم ...اصلها تخصصات و الظباط عارفين بعضهم و اللى يسأل ما يتوهش .
و بعدين الداخلية مش عارفة تفصل فى قضايا قتلة الثورا لانهم مش عارفين القتل العمد من الدفاع عن النفس ...وعارفين ان الشباب دول بلطجية ؟؟ و عرفوا يفرقوا بين الشعب و البلطجية و يقبضوا على البلطجية بس ..... ايه الذكاء دة ؟؟
الداخلية ما اتغيرتش ...هى اتلمعت بس ...بس الصراصير لسة زى ما هى معششة جواها ..
الداخلية مش حتتغير لان اللى فيها مرضى نفسيين و السادية هى اللغة الوحيدة اللى بيعرفوها ...الداخلية لازم تتهد عليهم و تتبنى على انقاضهم علشان فعلا تبقى لخدمة الشعب ...
الجزيرة مباشر مصر
طبعا .. ودائما .. علشان تتابع اى خبر بيحصل فى مصر لايف ... اتجه الى الجزيرة فورا ....
معروف ان قنوات النيل دى ماتت من زمان قوى جدا و اتدفنت و تحللت كمان ...القنوات اللى موجودة دى عار علينا انها تحمل اسم النيل اصلا ...مفيش مرة جربت اشوف قناة النيل للاخبار بعد الثورة و محسيتش بالامتعاض و غيرت القناه بعد اقل من دقيقة ...غالبا الناس دول بيذيعوا من دولة تانية و بيجيبوا فى سيرتنا !!!...المذيعين طول الوقت محسسنى انهم فى الكلمة الجاية حيقولوا قام السيد الرئيس و السيدة قرينته " ......" !!!!!
نفس الاسلوب القاتم ......... الحرب كانت قايمة فى التحرير و دول جايبين الخبر فى وسط الاخبار كانه حادثة بين عربيتين ...و بعدين ربنا فتح عليهم و بعتوا مراسلهم هناك ...الف سلامة !!
باقى القنوات الخاصة اعتمدت على مكالمات تليفونية للموجودين فى ارض التحرير ومداخلات من ناس فى اماكن مختلفة من الشوارع و الميادين المحيطة بالتحرير ... وبعدين ابتدت الصورة تظهر من التحرير ....لما مراسلينهم وصلوا ...بس على الاقل كنت باتابع معاهم لايف برضة من التحرير ... ومن بدرى ...
قناة الجزيرة بقى كانت هناك من الاول ... و كاميرا ثابتة .. المراسل على الخط طول الوقت ...و مقابلات مع ناس كتير من كل الاتجاهات ....مش عارفة فعلا مراسلينها بيتحركوا ازاى ...بس دا دليل على نظام مرن , جاهز دايما , بيسمح بسرعة التحرك للطاقم اللى بيوصل الى موقع الحدث قبل اى حد تانى لسة بيجهز ولا مستنى تصاريح ولا موافقة مدير مثلا ...
الناس بقى اللى نازلين نقد و شتم فى قناة الجزيرة ...انا مش بادافع عن القناة ....بس انا كمشاهدة يهمنى فى الاخر انى اعرف ايه اللى بيحصل و اشوفه ....
قناة الجزيرة عميلة و خاينة و بتحرف الاخبار و بتوحى دايما بالفزع و الهلع و الى اخرة ...ماشى ..
ايه البديل قدامى كمشاهدة ؟؟؟ ايه هى القناة البديلة علشان اقدر اتابع و اعرف اللى بيحصل دلوقتى ؟؟؟ اذا القناة دى على كل هذا القدر من السؤ ..محدش فكر انه يوفر قناة مصرية بديلة ليه ؟؟؟ ليه محدش من اللى هرونا كلام دول عن الايدولوجيات الاستعمارية للقناة و اللى وراها من عملاء لاسرائيل و اللى بينادو بمقاطعتها و اغلاقها و اقامة الحد عليها , فكر انه يطور قناة من القنوات المحنطة بتاعة ماسبيرو و اللى لسة بيتصرف فيها ملايين و هى محدش بيعبرها اصلا بحيث انها تنافس الجزيرة فى سرعة الحركة و النقل المباشر ؟؟ .. مش محتاجة سؤال طبعا .... الاسهل اننا ننتقد و نشتم بدل ما نشتغل و ننافس ...
فى اى حد فكر انه يعمل استبيان مثلا عن نسب مشاهدة هذة القنوات و تقيم ادائها فى اوقات الاحداث المهمة من قبل المشاهدين العاديين و غير المتخصصين ؟؟ رايهم فيها و ايه هى السلبيات ؟؟ حد فكر يسال ايه هى الاسباب اللى بتخليك كمشاهد تشوف قناة الجزيرة ؟؟؟ اية اللى انت شايفة كويس فيها و ايه اللى بيعجبك فى طريقة تغطيتها للاخبار ؟؟ ليه محدش قرر انه يقفل القنوات دى لمدة 6 شهور مثلا و يعمل دراسة للقنوات دى و كيفية تحويلها الى قنوات جاذبة منافسة للقنوات الاخرى ....و بعدها ترجع القنوات جديدة تماما فى اللوجو بتاعها و برامجها و اسلوب تقديمه للبرامج و المعلومات و حرفية اداء مذيعيها و كل شىء فيها ...
امسك ريموت التليفزيون و قلب القنوات و شوف فى الاخر فين القناة اللى دايما فى موقع الحدث و لايف ؟؟؟ ..... الجزيرة و بالتاكيد مش قناة الفورمالين للاخبار !!!!
*****************************
العيسوى فى اتصال هاتفى لن نستخدم النار فى احداث التحرير الاخيرة وبنطبق القانون بحزافيره
حقيقة ما حدث فى ميدان التحرير - ابراهيم عيسي
عسكري يستفز المتظاهرين ب «رقصة»
ليست هناك تعليقات:
إرسال تعليق