الديب لـ«المصري اليوم»: تدهور مفاجئ في صحة مبارك ودخوله في غيبوبة كاملة
من موقع المصري اليوم على تويتر :
@AlMasryAlYoum_A المصري اليوم
اون تى فى - على تويتر :
شاهد - مانشيت : وزارة الصحة : مبارك حالته مستقرة وصحته جيدة
التلفزيون المصرى ينفى دخزل مبارك فى غيبوبة كما صرح المحامى فريد الديب
***************
انا قلت قبل كدة انى مش متفائلة من محاكمة " المخلوع و المطرود و المحبوس "
فى3 اغسطس ...وقلت اننا حنشوف فيلم من افلام الميلودراما السيكوباتية .....
فى3 اغسطس ...وقلت اننا حنشوف فيلم من افلام الميلودراما السيكوباتية .....
و ادى التريلر ابتدى ....بعد سلسة حلقات الارتجاف و القب و النفسية ...
دخلنا فى العقدة الدرامية ....غيبوبة و توقف للقلب و هبوط حاد للدورة الدموية .....
خلاص قدامنا اقل من اسبوعين و الفيلم ينزل السينمات .....
فكان لازم للمخرج و المنتج انهم يبتدوا بالتريلر بقى ....و يبتدى السسبينس ...و التشويق ...
بنتكلم شوية جد بقى ....معلش شوية غتاته !!!
1- يعنى هو المخلوع بيعيى كدة فجأتن ؟؟؟ يعنى يختفى يختفى و يطلعوا علينا باخبارة كأنها مفاجأة ...ايه السذاجة دى ؟؟؟اخر مرة سمعتم عنه اخبار امتى ؟؟ انا عن نفسى لما الاستاذ ابراهيم عيسى فى برنامج الميدان الاسبوع اللى فات اتكلم عنه و عن قلبة اللى وقف و قلب الدكتور اللى جه يعالجة جاتله ازمة قلبية !!!...اقدام ...سبحان الله ....
زى كدة الست لما ....
لما قربت من القناطر ...دخلت لوكيشن مسلسل قلبى بيوجعنى ...وصورت حلقة القسطرة التى انقذتنى ...ولما ...
ولما خلعت محدش سمع عنها حاجة خالص ,,,ولا عملت القسطرة اللى قرفونا بيها و لا دخلت العمليات ....تعرفوا امتى حترجع للاضواء ؟؟؟ اذا قرروا يحققوا معاها لاى سبب ...لما ....لما ولما بقى ..
زى كدة الست لما ....
لما قربت من القناطر ...دخلت لوكيشن مسلسل قلبى بيوجعنى ...وصورت حلقة القسطرة التى انقذتنى ...ولما ...
ولما خلعت محدش سمع عنها حاجة خالص ,,,ولا عملت القسطرة اللى قرفونا بيها و لا دخلت العمليات ....تعرفوا امتى حترجع للاضواء ؟؟؟ اذا قرروا يحققوا معاها لاى سبب ...لما ....لما ولما بقى ..
2- انا مش متفقة مع الاستاذ ابراهيم فى موضوع الجنازة العسكرية و كونة رئيس دولة لازم يكون فيه مراسم ....
الموضوع ده خلانى استشيط غضبا ..!!! ..
بالنسبة للشهداء اللى هو قتلهم ...و اتدفنوا فى مقابر الصدقة مجهولين ...
محدش عمل لهم اى مراسم ليه ؟؟ ماتوا فى خناقة ميكروباص ...ولا دول مش مهم ..مالهمش منصب رسمى بروتوكولى ؟؟؟ الى الان محدش عمل لهم اى نصب تذكارى ...ولا اى تكريم من اى نوع فى اى حتة ...مش معنى ان كام جمعية عملت احتفاليات و كرمتهم يبقى دى نهاية الحدوتة ...لا ...دا اسمه مجهود ذاتى مننا احنا ...فين بقى الدولة ؟؟؟ ...ايه يعنى معاش استثنائى ؟؟ و بعدين ...
اهاليهم الى الان ماخدوش حقهم ...العدالة و القصاص ...و خرجوا فى الشارع من كتر نارهم ..و القتله بيخرجوا من قضايا القتل على ذمة وظايفهم ...و بيظغطوا على الاهالى و بيهددوهم ...و هو قاعد فى شرم تحت الحراسة ...
و الخونة اولادة بيقولوا علينا غوغاء .... الغوغاء دول يا حقير منك له هما اللى خلوكوا بنى ادمين و ليكم منظر ...فلوسنا و دمنا اللى شربتوة كاسات ...هو اللى ادالكم قيمة و خلاكم من اصحاب المليارات ...جثثنا اللى دستم عليها هى اللى طلعتكم و طلعت السيد الوالد للكرسى يا ""................ """.....
.وعايزين له جنازة ؟؟؟ هو دا ما ارتكبش برضة خيانه عظمى و لا دا كان نفسنة جرايد ؟؟؟
و الخونة اولادة بيقولوا علينا غوغاء .... الغوغاء دول يا حقير منك له هما اللى خلوكوا بنى ادمين و ليكم منظر ...فلوسنا و دمنا اللى شربتوة كاسات ...هو اللى ادالكم قيمة و خلاكم من اصحاب المليارات ...جثثنا اللى دستم عليها هى اللى طلعتكم و طلعت السيد الوالد للكرسى يا ""................ """.....
.وعايزين له جنازة ؟؟؟ هو دا ما ارتكبش برضة خيانه عظمى و لا دا كان نفسنة جرايد ؟؟؟
اهالى المصابين و المفقودين و ضحايا امن الدولة ...ضحايا الاقسام ...اهالى ضحايا العبارة ...اهالى ضحايا الطائرة اللى وقعت فى شرم الشيخ ...المساجين ..اللى اتسجن ظلم و اللى اتعذب و اللى مات من التعذيب واترمى فى الصحراء ....حيكون ايه شعور الناس دى ؟؟
..قتلهم بلا رحمة و هو عايش و بيقتلهم و هو ميت ؟؟ و كمان بنكرمة ؟؟
..قتلهم بلا رحمة و هو عايش و بيقتلهم و هو ميت ؟؟ و كمان بنكرمة ؟؟
هو يتعمل له جنازة عسكرية رسمية ؟؟؟ ازاى ..ازاى يعنى ...بنكرمة لانه قتلهم ؟؟ لانه كان عايز ابنه يورثنا و سابه يلعب بالبلد و بينا ؟؟؟ جنازة رسمية ازاى يعنى ؟؟ يعنى و هو عايش يقتلنا و يسرقنا و يبيع البلد ...بياخد مننا قوتنا علشان يجيب بيه ادوات تعذيب فى امن الدولة و الاقسام ....و بعدين قاعد يتعالج على حسابنا ...ولما يموت ندفع كمان لجنازة عسكرية مهيبة لانه رئيس دولة ؟؟؟
و مش بعيد بقى ياخد وسام القلب البمبى لان لما قتل الناس قتلهم قتل رحيم ..هو مش سفاح دا انقذهم من مصير اسوأ...حونين ....
بس اخص علينا ...مش فاهمين ...
و مش بعيد بقى ياخد وسام القلب البمبى لان لما قتل الناس قتلهم قتل رحيم ..هو مش سفاح دا انقذهم من مصير اسوأ...حونين ....
بس اخص علينا ...مش فاهمين ...
جنازة رسمية على اساس ايه بقى ...ان الشعب اللى ما طمرش فيه العيش والملح اخدة طيار قد الدنيا ...و اخرتها رماه فى مرضة و كبر سنة ؟؟؟ فا يقوم بقى الشعب دة يكفر عن غلطتة و يعملة جنازة محصلتش ؟؟؟ ايه الفيلم دة ...."" كان رئيسا "" اخراج يوسف شاهين الله يرحمة ؟؟
ممكن بقى بعد كدة تقولى العادلى اذا ربنا اراد يعنى ...يتعمل له جنازة رسمية ...اصلة كان وزير داخلية ... و من ابطال موقعة امن الدولة لتحرير مصر من الارهاب...و صاحب معركة تأمين سلامة قصر العروبة من الهجوم الشعبى المحتل ...
و ياخد وسام العصا المكهربة لحقوق الانسان .... و يخش التاريخ الموسوعى ..باعتبار انه اول واحد يستخدم اشباح و يجندهم فى فرقة القناصة...لصيد العصافير
محدش يقولى بقى ..الموت ..ولا شماته فى المرض و الموت ..عارفة كويس جدا ..بس دى مش شماته ...انا ما قلتش لا سمح الله فى ستين داهية ..انا باقول انه موضوع الجنازة العسكرية المهيييببة دى موضوع مرفووووض منى ..تماما ..من حقى ....
انا مش ممكن انسى منظر خفر السواحل وهو بينتشل جثث الشباب اللى غرقوا فى مركب هجرة غير عشوائى .. جثث زرقاء منتفخة مشوهة المعالم ...لشباب الورد ... ممكن يكون منهم اخويا ولا جارى فى يوم من الايام ...مش ممكن انسى مداخلة لواحد من الشباب دول قال فيها ان واحد من اللى معاه اظطر يرمى جثة اخوة الميت فى المية لانها تحللت و مالهاش مكان على المركب ...
ولا اهالى ضحايا العبارة و اللى اتعمل فيهم ..ناس غلابة جدا و جايين من اخر البلد ..من الصعيد واسوان و من كل مصر ...
ناموا ايام و ليالى فى الشوارع ...ولا حد سال فيهم ...
ولا اهالى ضحايا العبارة و اللى اتعمل فيهم ..ناس غلابة جدا و جايين من اخر البلد ..من الصعيد واسوان و من كل مصر ...
ناموا ايام و ليالى فى الشوارع ...ولا حد سال فيهم ...
مش ممكن انسى يوم خطابة الثانى الملعون ...نزلت على ركبى قدام التليفزيون و قعدت اعيط و اصرخ ..
حرام عليك انت بتعمل فينا كدة ليه ..حرام عليك ...ولعت البلد ...
حرام عليك انت بتعمل فينا كدة ليه ..حرام عليك ...ولعت البلد ...
مش ممكن انسى ايام ضرب النار ...و اللى شفناه من رعب ...
مش ممكن انسى يوم 28 يناير و اللى حصل فية ....
مش ممكن انسى ...ولا حاسامحة ...ومحدش يقلى اذكروا محاسن موتاكم ...انا سوداوية ومش عايزة اذكرة خالص ...
ومحاسن دى ماتت من زمان على فكرة ....
من الاخر بقى انا مريضة نفسيا ...
اذا عيان ربنا يشفى كل مريض ...واذا جاء اجله ...كلنا لها ...بس خلاص
بس تقولى جنازة اقولك لا و الف الف لا ...
ومحاسن دى ماتت من زمان على فكرة ....
من الاخر بقى انا مريضة نفسيا ...
اذا عيان ربنا يشفى كل مريض ...واذا جاء اجله ...كلنا لها ...بس خلاص
بس تقولى جنازة اقولك لا و الف الف لا ...
ممكن تتعمل له جنازة .. بس حتيقى ...... و الميت .....
اكمل الفراغات .....و انت و ضميرك بقى !!!!
3- هل احنا فى وقت ولا ظرف يسمح بكل التخبط دة فى الاخبار ؟؟؟ عيان ..لا مش عيان ...عيان ...لا مش عيان .... ويغطس و اخبارة تختفى تماما ونرجع بمفاجاة ..عندة سرطان ...مع انهم فى الاول خالص ...طلع لنا المصدر الطبى الملثم و نفى الخبر ...بس ماشى ...حنعديها ...و يختفى و يرجع تانى ...الواد قلبة بيوجعه ....و يطلع مدير المستشفى يقول محصلش ..وبعدين وكالات الانباء تختلف وتتضارب التصريحات ...حساب دة عند مين يا حضرات المسئولين ؟؟
الرحمة من عندك يا رب ...
ايه ده ...مين المسئول عن كدة ؟؟؟ و حضرة الحرامى الفريد الذئبى ...مين المسئول عن البمب الاعلامى اللى هو بيلعب بيه ؟؟
مش المفروض يكون فى شخص واحد ...متحدث عن الموضوع ده ؟؟ واحد بس هو اللى يقول و ياكد و ينفى ....و يبقى مسئول عن صحة اللى بيقولة ؟؟ولا حنفضل فى لعبة عروستى دى كتير ولا ايه ؟؟
ولا دا مقصود علشان الالهاء عن المحاكمة و استدرار التعاطف مع المريض على فراش الموت ؟؟؟...ولا بعد ما خطة الدستور اولا ولا الانتخابات اولا فشلت و ماتت ...طالعين لنا دلوقتى بجنازة او لا جنازة ؟؟؟ على اساس ان المحاكمة هى اللى ماتت يعنى ....
ولا دى مقدمة علشان المحاكمة تكون فى شرم الشيخ لان صحة سعادته مش قد كدة ..او ان فخامته مش مستعد فممكن تتأجل شوية ...عاتشى يعنى مافيهاش حاجة لما الشعب يتحرق شوية كمان ....
او انها تتلغى خالص ...ممكن يدفع بدلية زى زمان فى الجهادية وخلص الفرح ....
ماهو من كتر الافلام ..محدش عارف السيناريو ايه ....
يارب ...انت العدل و الحكم ....
يارب ...اللهم اجعل ثارنا على من ظلمنا .....
ولا دى مقدمة علشان المحاكمة تكون فى شرم الشيخ لان صحة سعادته مش قد كدة ..او ان فخامته مش مستعد فممكن تتأجل شوية ...عاتشى يعنى مافيهاش حاجة لما الشعب يتحرق شوية كمان ....
او انها تتلغى خالص ...ممكن يدفع بدلية زى زمان فى الجهادية وخلص الفرح ....
ماهو من كتر الافلام ..محدش عارف السيناريو ايه ....
يارب ...انت العدل و الحكم ....
يارب ...اللهم اجعل ثارنا على من ظلمنا .....
ليست هناك تعليقات:
إرسال تعليق