مسلسل الريان اللى انا ما شفتوش ولا عايزة ابدا ...عامل لنا صداع مزمن ...
الاخ الريان تفتح الحنفية تلاقة بدل المية ....فى كل القنوات بيقول نفس الكلام و نفس الموضوعات ... نفس كل حاجة ...و يدوم و يدوم ...
النظام السابق و ايه اللى حصل و مشكلات المسلسل و الخلاف مع شركة الانتاج و المؤلف ... و اخيرا زوجة الريان - بتجسد شخصيتها الفنانة ريهام الغفور ( بدرية فى المسلسل ) - رافعة على ريهام عبد الغفور قضية لانها شوهت سمعتهاو تسببت لها فى مشاكل عائلية !!
ام كلثوم و السندريلا و العندليب , و اسمهان و الشحرورة و سمارة و الريان و لسة جاى لنا تحية كاريوكا و الفيلم مستمر
وفى كل مرة و كل مسلسل لازم نسمع نفس الكلام و نفس الاتهامات المتبادلة و القضايا المرفوعة بسبب تشويه السمعة و الصورة و يطلع المؤلف يقول ياناس دا مش توثيق حرفى دا سرد لبعض الوقائع فى قالب درامى يحتوى على بعض الدراما لزوم الاحداث و بعض الخيالات ومفيش فايدة و تبقى خناقة ماسخة و مكررة ...
اعزائى المؤلفين و الكتاب :
هو مفيش اى مواضيع فى الدنيا غير السير الذاتية من هذا النوع ؟؟؟ هو ما ينفعش نعمل اتفاق او يكون فى العقد بنود توضح و تفهم الاطراف المعنية ان المسلس مش سرد حرفى لوقائع من وجهة نظر الراوى بس ؟؟؟ وان الوقائع اللى قالها صاحب السيرة الذاتية سيتم معالجتها و اخفاء بعض معالم الشخصيات و الاسامى الحقيقة ؟؟؟
ارجوكم ....
كفاية بقى هرمنا من الملل !!!!
ليست هناك تعليقات:
إرسال تعليق