22 -11 الفجر

العيسوى طلع على الجزيرة يقول انه من 24 ساعة مالوش علاقة بالداخلية و ان اللى مدور الوكالة لوا من الجيش ...قمة المسخرة ....

يعنى قناصة ماعندوش ...ظباط قتلة ...مافيش ...ولا رصاص حى ولا ذخيرة ...

واخرتها طلع مش وزير !!! !

**************************

النهاردة فى كل انحاء مصر مليونيات تمت الدعوة ليها امبارح علشان رفض الوحشية و العنف و القتل اللى شغالين من يوم السبت ومحدش من الناس اللى فوق ولا اللى جنبهم لاقال حاجة ولا عمل حاجة ...و الموت و الاصابات سيل لا ينقطع ....

رحت الوقفة امام المنطقة الشمالية ..العدد كان كبير جدا ..و الناس بقت متفقة بشكل كبير و مختلف عن قبل كدة ....دى حاجة انا لاحظتها طول الطريق من بيتى فى لوران وحتى المنطقة الشمالية ...فعلا ...كل الناس بيتكلموا عن حاجة واحدة وهى انه ازاى بعد الشهداء اللى ماتوا فى يناير علشان نتعامل كبنى ادمين و الاوضاع تتغير ....ازاى بعد 10 شهور مفيش حاجة اتغيرت وكنا صابرين ...وبرضة الضرب و القتل بالشكل دة ؟؟؟ ازاى جثث الشهداء تتسحل فى الشوارع و تترمى فى مقلب زبالة ؟؟؟ ازاى الشباب و البنات يتسحلوا و يتضربوا بالشكل الهمجى دة ؟؟؟ يبقى كدة العادلى لسة فى كرسية و الدم اللى بقى بحور دة مالوش تمن ...ولا عشنا ولا كنا اننا نسمح بدة يحصل ..انتخابات ايه اللى مصممين عليها فى ميعادها ؟؟ انتخابات ايه و الناس دمها سايل بحور فى محمد محمود ....محدش يروح ينتخب ...دى ناس بتجرى ورا الكرسى ومحدش سائل فى المجزرة اللى حاصلة ....و ننتخب ناس باعت الدم بالكرسى ؟؟؟ ودا طبعا بعد تصريح الاخوان اللى قضى عليهم تماما بانهم مش مشاركين فى مليونية اليوم لانها تساعد على تعطيل الانتخابات ...

يااااه على الكلام و الحوارات اللى سمعتها ...غلطان اللى افتكرنا نسينا دمنا وغبى اللى افتكر اننا نمنا ولا ان اللى حصل فى يناير كانت لحظة فى حباتنا و انتهت ومحدش حيعيدها تانى ....فعلا غبى ...فى الوقفة دى شباب ..اسر كاملة ...سلفيين و اخوان ...

كل طبقات وفئات المجتمع ...حتى فى اطفال مدارس ....

القائد ابراهيم

وصلت عند مسجد القائد ابراهيم فى نفس اليوم حوالى الساعة 4:30 مساءا ...هنا المشهد مختلف تماما ....واضح انها سلفية 100*100 ...عدد كبير جدا جدا من السلفيين و الناس الموجودة 99% منهم سلفيين ...هنا مختلف عن الوقفة اللى فى المنطقة الشمالية ...

بس تقريبا نفس الافكار والااراء ...

اتكلمت مع سيدة منقبة من الاخوان ..قالت لى انها مش حتشارك فى الانتخابات ...لانه مش حتنتخب حد ماتعرفهوش لمجرد انه بيوزع لحمة ولا زيت ...ولا لان الجماعة قالت ...خاصة بعد ما الجماعة دى تخلت عن الدم مقابل الكرسى ...وواحدة تانية قالت نفس الكلام ...وشابه فى ثانوية عامة اخوها نزل التحرير وهى هنا ...

سبت المكان بعد صلاة العشاء وانا فى غاية السعادة لانى شفت الناس اتحدت على ان الدم ...خط احمر ...

*********************************

قنبله غاز فى قنا صنع 94 صلاحيه 5 سنين يعنى منتهيه من 12سنه

http://twitter.com/?photo_id=1#!/karishma_nasr/status/138776695728652288/photo/1

حسام الحملاوى

http://www.arabawy.org/2011/11/23/street-vendors-in-talaat-harb/

http://www.arabawy.org/2011/11/23/tahrir-day-4/

http://cryptome.org/info/egypt-protest/egypt-protest.htm

http://www.almasryalyoum.com/node/517634

يعنى بعد القتل و السحل طالع يقول بندعم الداخلية و دلوقتى بيقولة بلاش يا عيسوى ؟؟؟

http://www.almasryalyoum.com/node/517636

http://www.arabawy.org/2011/11/23/fuck-the-police-and-the-army/