اللى بيحصل دا مش منطقى ؟؟؟؟...طبعا ..اكيد عادى جدا ......على فكرة للى ما يعرفش بتحصل فى احسن الشعوب يعنى ....
كان فيه فرح ...وحصل تاتش.... وبعدين الشعب هجم على القوات المسلحة ... و بقى عندها اصابات من الشعب ...الوحش اخد منها سلاحها ..قامت جريت وراه وداست علية بالدبابت بتاعتها ..مسكينة اعصابها فلتت من الخضة !!!!
بس ... و فى الاخر شوية ناس ماتت و ناس اتصابت ... بس الحمد لله ..الكلوب سليم !!!
دى خوناااااقة بين الاتنين يا اولاد ....
يا عزيزى .....
نحن فى ثورة ....و عدم المنطقية هو طبيعى جدددااااااا.....مع مرور الوقت سنغير عدم المنطقية كما غيرنا تاريخ ...
احنا فى ثورة و لذلك توقعوا رؤية كل ماهو غريب و عجيب و من كواكب مجاورة !!!!
و المنيو كامل الاوصاف :
جهات خارجية ,, اصابع لولبية ,, مجهولين ,,, عناصر مندسة ,, بلطجية ,, فلول ,, خطط جهنمية ,,, وكل ما تتمناه ...
فاااااكرين ..... المكان دة ليه تاريخ ولا تاريخ الاهرامات !!!!
الحقيقة انا كنت حاسة ان الاعتصام دة مش حيعدى على خير ... ليه ؟؟؟ غالبا لان منطقة ماسبيرو دى منطقة مبروكة جاذبة للمشاكل و المصايب و مختلف انواع البلاوى اللى بتتحدف و اللى اصيلة او مستقرة ....
السيناريو كالعادة :
بيبدا بمشهد خارجى لجموع من الناس طلعت فى مسيرة ....مش اى ناس ...دول مصريين مسيحين و مسلمين معترضين على هدم كنسية ببلدة الماريناب بادفو ( كلاكيت من غير رقم !!!) و طبعا عدم القبض على الجناه ....
زى ما انتم عارفين التسلسل الدرامى فى الحالات اللى زى دى ....
محدش يتحرك غير لما تقوم المسيرات الغاضبة و الناس تقول يا اهل الله ياللى فوق ...
و بعدين يقوموا الناس اللى فوق يقولوا للناس اللى تحت ما تزعلوش ...
نقلب على مشهد داخلى ...
و يقوموا فاتحين بيت العلية ....و فى الصالون تزغرط ام العروسة ....وهاتك يابوس و احضان ...و ..بعد كدة ....
خلص المشهد من غير مانعرف مين ولا ليه ولا ايه اللى حصل له ....
نرجع بقى فلاش باك لارض المعركة ...
( اللى كانت السبب فى المحبة ...ماهو على راى المثل ...ما محبة الا بعد معركة !! )
بعد ما الجموع الشعبية دى حصل بينها و بين القوات تاتش .. هجموا على القوات المسلحة ( واخد بالك من وجود JET LI فى الكادر ؟؟؟ ) ...و هاتك يا ضرب ..و دبابات بتجرى مجنونة ورا الشعب الشرير ...و اشرار هنى ويل طالعين فى الكادر وعما بيحدفوا القوات بقذائف الهارتى الملونة ....
ثم بقى مشاهد لناس ماتت ...
كل دة لزوم السسبنسسس ...
و بعدين يحصل شغب ..و ننتقل الى لقطات من بث لقنوات اخبارية غير محلية بالقطع من ارض المعركة ....
عربيات تولع ....واصحابها شركات التامين مش حتعوضهم لان بنود العقد مافيهاش ظروف زى اللى احنا فيها ....ويبقى منكم لله خربتوا البلد وادى اللى اخدناه من الثورة .....و حالنا وقف ...ماهى المحلات بقى تقفل ...اصلنا خايفين من اشرار هنى ويل اللى بيهجموا علينا ...
و يولعوا فى ماكينات البنوك ...فيحصل اشاعات ... و حركة البورصة تنهار ...وتسرى اشاعات بقى و الناس تهجم على البنوك لسحب فلوسها ....دا غير بقى الهيصة و الفرح ... الاظطهاد للاقلية المسيحية و امريكا تندد و تطالب و تعرض المساعدة ....ويطل لنا واحد يقول الحقونا دول بيقتلوا فينا لاننا اقلية ...و السيد اوباما يطلع فى خطاب يقول لنا احترموا حقوق الاقليات و الانسان ....و الست هيلارى ما تصدق بقى ...
وطنط سياحة تصرخ ..قلبى ...قلبى ....و وانكل اقتصاد يغمى علية و العجلة تقع منه ....و تتشرد العيال ....
ويدوووووور المنادى ينادى على الامن اللى ضاع فى المولد ...
ثم بقى لحظات الحقيقة ....
الجيش طلع بقى باحدث صيحات الافتكاسات ...فى الاول قال انهم اقباط ...
على اى اساس حضرتك ؟؟ شفت بطايقهم كلهم ؟؟؟؟ د. محمد سليم العوا كان هناك ... و ناس مصريين كانوا هناك كمان .....ليه اقباط بس ؟؟؟ لان الاعتراض على هدم كنسية يعنى فيكون كل اللى هناك مسيحيين ؟؟
ثم قالك مش متاكدين ...ممكن تكون ايادى خارجية ....وممكن تكون اصابع ..او دبابيس...او وينجز ...وكلة تلاقية عند كنتاكى ...
طيب اذا الحكومة ووزير الداخلية اللى اعلن بكل استفزاز و غطرسة انه اعطى اوامر بقتل اى متظاهر يقرب من الداخلية لانها خط احمر...اذا مش عارف يسيطر على الجهات و الاصابع دى يقولنا واحنا نوصى عليى الفارس الملثم بتاع سينا ...حيخلص وقتى ...
يعنى كنيسة تهدم وتتحرق و ماتقومش فتنة طائفية و لا مجزرة كالعادة فى البلد اللى هى ادفوا... ومسيرة سلمية تقلب بحرب و قتلى علشان الشعب هجم على الجيش ... اى شعب ؟؟؟؟
اكيد يعنى الشعب الاسرائيلى .....اقباط اسرائيل تسللوا الى مصر فى هيئة و لهجة مصرية و هجموا هجوم غادر غاشم على الجيش ...نفسنة بقى ....
ثم ايه الانعقاد الدائم لبحث الاوضاع اللى رئاسة الوزراء فيه ده ؟؟؟ هما بيعملوا ايه ؟؟؟ بقاله 9 شهور ...كفاية بقى ...ماشفناش يعنى اى قرارات ثورية و لا قنابل و لا مولوتف .....القنابل الغازية بتترمى على المتظاهرين من فلوسهم و الداخلية بتموتهم زى الاول ... ووزير الداخلية بيهددهم ....و مفيش امن ...فى حالة المكنوس تلاقيهم ظهروا زى النمل ...و فى حالة الشعب بيختفوا ..يا اما بيطلعوا يضربوه و يسحلوة ...
ايه الجديد ؟؟؟؟ فين الازمة اللى اداروها ؟؟؟ دول هما ازمة حياتى ياعين ...
هما اكيد اكيد بيديروا الازمة اللى فى كوكب كورونا ...اللى جنبنا دة ..غلابة و الله ... و النبى وصى على سابع جار ....
ويطلع رئيس الوزراء يقولك ...يطبق القانون على الجميع...
اللى هو ايه ؟؟؟ قانون الطوارىء مثلا ؟؟؟ ثم مين قالك من الاول ان محدش عايز القانون يطبق على الجميع؟؟؟ و مين هما الجميع دول ...ها ؟؟؟
هو فين القانون دة ؟؟؟ ايه اللى عملة فى احداث امبابة ؟؟؟ و غيرها ؟؟؟
و فين الامن ؟؟ وزيرالداخلية دة بيعمل ايه من ساعه ما ربنا امتحنا بيه غير انه بيدلع الظباط و يهشك الظباط ؟؟؟
ولما انتم عارفين ان فى جهات خارجية و اصابع و فلول ..محدش بيعمل حاجة لية من الاول ؟؟؟ هو لازم الحريقة تقوم وبعدين نقول ..ايه ده ..هى ولعت ...طيب ...محدش يقلق حنبقى نطفيها ...
ويطلع اللواء اللى مش عارفة لواء فين دة يقولك معنويات القوات المسلحة لم تتاثر ...على اساس انه بيحارب اسرائيل ؟؟؟ دا مش تحريض ...دا مش استفزاز ..الست مسلحة و بخير و مش هاممها ...يعنى لما اسرائيل دخلت عندنا و موتت 6 من قواتنا ما طلعش تصريح زى دة ليه ؟؟ اسرائيل معاها الجنسية و الشعب بتاعنا لاجىء غير شرعى ؟؟
ثم ان النشطاء بيتحاكموا عسكريا على تعليقاتهم و بيصدر ضدهم احكام عسكرية و التعليقات اللى من النوع ده محدش بيشوفها ؟؟ كوسة دى ولا بتنجان ؟؟؟
و تتصاعد الازمة ....الاعلان الصارم :
فرض حظر التجوال فى منطقة ماسبيرو وميدان التحرير من الساعه الثانية صباحاً حتى الساعه السابعه صباحاً
ماهو بقى الشعب اللى عايز كدة ...بيحب حظر التجول موت ...و مش عايز يسيبة اااااابدا ...فرجع بناء على طلب الجماهير ....و طبعا الحظر مش حييجى كدة لوحدة لازم الست طوارىء تبقى معاه ...ماهو دول فريق ثنائى ...يانعيش سوى يا نقعد سوى
بس محدش وضح لنا ..هل الحظر دا بالنوسبة للشعب المحتل الغاشم ... حتى يتم رشة بالفليت و القضاء على الجهات الخارجية اللى نازلة لعب و عايزة تخلص الدورى الفلولى لحسابها على ارضنا ؟؟؟ ولا الحظر دا علشان القوات المسلحة اللى بخير وصحة تعرف تدور على اللى اتاخد منها فى الهيصة ؟؟
و الست طوارىء دى بقى هى اللى حترجع الامن ...و حتظبط الاخوة المجهولين اللى تلاقيهم فى كل لمة طالعين منورين ؟؟؟؟
انا متاكدة ان الجهات الخارجية و المجهولين دول بيشتغلوا عندنا بعقد عمل ....
و الشعب منفسن عليهم و بيجر شكلهم فى كل خناقة و التانية ...
وعمال بقى يجيب فى سيرة الحكومة ... ويقول ..مش كل ما تتزنق نلاقى الفرح اتنصب ...طبعا دا مالوش علاقة بقانون الطوارىء اللى مش ناوى يسبنا..ولا قانون الاحزاب ..ولا الانتخابات ...ولا قانون الغدر اللى بقالهم سنة بيحللوا له DNA علشان يعرفوا اذا كان شرعى ولا لا ...ولا الفلوس اللى سيرتها اختفت ...ولا المحاكمات ..ولا ..ولا ...
و فى النهاية اسيبكم بقى مع التترات ....
/أحداث-ووقائع/مجلس-الوزراء-فرض-حظر-التجوال-بميدان-التحرير/
.
http://www.facebook.com/Egyptian.Cabinet.Of.Ministers/posts/292152330796354
قائد الشرطة العسكرية: اشتباكات ماسبيرو لم تؤثر على معنويات القوات المسلحة
http://www.masrawy.com/news/egypt/politics/2011/october/10/4493494.aspx?utm_source=twitterfeed&utm_medium=twitter
http://www.youtube.com/watch?v=tzRpdcqV0gU
http://www.aina.org/news/2011109123846.htm
http://twitpic.com/6xufml
شهود عيان: المدرعات دهست المتظاهرين فاستولوا على أسلحة الجنود (فيديو)
http://www.almasryalyoum.com/node/503383
هيلاري كلينتون: نعرض علي مصر حماية دور العبادة بقوات أمريكية
http://www.dostor.org/politics/egypt/11/october/9/57409
*******************
تانى يوم الصبح
*****************
السفارة الأمريكية تنفي تقديم عروض لإرسال قوات أمريكية لحماية الأقباط في مصر
http://tahrirnews.com
/أحداث-ووقائع/السفارة-الأمريكية-تنفي-تقديم-عروض-لإر/
مصرhttp://twitpic.com/6xub33
http://bambuser.com/channel/emadmubarak/broadcast/2032157
شرف يرأس اجتماعًا للجنة الوزارية لإدارة الأزمات لبحث أحداث «ماسبيرو»
http://www.almasryalyoum.com/node/503453
«شرف»: ما يحدث محاولات لإشعال الفوضى.. والحل تطبيق القانون على الجميع
http://www.almasryalyoum.com/node/503425
الخبر الذى بثة التليفزين الحكومى
http://lockerz.com/s/146005570
«البورصة» تخسر 10 مليارات جنيه فى بداية التعاملات.. ورئيسها: لا نية لوقف التداول
http://www.almasryalyoum.com/node/503515
أقباط الإسكندرية يقطعون الطريق أمام المنطقة الشمالية العسكرية
http://www.masrawy.com/news/egypt/politics/2011/october/9/4493378.aspx?utm_source=twitterfeed&utm_medium=twitter
عاجل مصراوى : شيخ الازهر يعلن عن اجتماع طاريء لبيت العائلة المصرية بحضور الكنيسة
صور من المشرحة من تويتر
http://twitpic.com/6xvvma
http://twitpic.com/6xvv8a
: أحد ضحايا اشتباكات ماسبيرو مساء 9 اكتوبر و التى نشرتها وكالة الاسوشيتدبرس
http://www.twitpic.com/6xw7du
تكير وحرق لماكينة فلوس لأحد البنوك - على بعد خطوات من المستشفى القبطي
http://www.twitpic.com/6xw7du
A firsthand account: Marching from Shubra to deaths at Maspiro
http://www.almasryalyoum.com/en/node/503496
http://www.youtube.com/watch?v=aBy23q1bllk
ضحايا «موقعة ماسبيرو»: «مينا» و«مايكل».. موعد مع الموت تحت «المدرعة»
http://www.almasryalyoum.com/node/503490
ليست هناك تعليقات:
إرسال تعليق